Volonterlar
21 ğıynvarda Tatarstannıñ 30 volonterı Törqiyaneñ Erzurum şähärenä yul tota. 27 ğıynvardan 6 fevralğä qadär biredä XXV Bötendönya qışqı universiadası uzaçaq
Qazan, Tatar-inform, 18.01.2011 – 21 ğıynvarda Tatarstannıñ 30 volonterı Törqiyaneñ Erzurum şähärenä yul tota. 27 ğıynvardan 6 fevralğä qadär biredä XXV Bötendönya qışqı universiadası uzaçaq. Törqiyağä “Qomanda-2013” volonterlıq proeqtı qısalarında qonqurs niğezendä saylap alunı uñışlı uzğan 2013 elğı Universiadanıñ iñ yaxşı volonterları stajirovqağa qitä. “Qomanda-2013” qonqursınıñ berençe sezonı 2010 elnıñ 24 aprelendä başlandı häm 27 iyundä töğällände. 8 qonqurs atnası dävamında 13 volonterlar qomandası törle biremnär ütäde: mäqtäplär häm yuğarı uqu yortlarında Universiadanı täqdim itte, veterannarğa yardäm qürsätte, videoqliplar töşerde, tematiq fotosetlar oeştırdı, sport çaraların oeştıru häm ütqärüdä yardäm itte. “Universiadanı qarşılap” Xalıqara volonterlar lağere qısalarında töğällänğän qonqurs marafonı näticäläre buença «20:13» häm «Light 4U» qomandaları ciñüçe dip tabıldı, alar Törqiyadä stajirovqa uzu mömqinleğenä iya buldı. Soñğı dürt ay dävamında volonterlar “Qazan-2013” başqarma direqçiyase tarafınnan oeştırılğan töreq telenä intensiv öyrätü qursların uzdı. Stajirovqağa qitär aldınnan, 17, 18 häm 19 ğıynvar qönnärendä, volonetrlar aldında tağın qısqaça äzerleq qursı uzu burıçı tora. Alar volonterlar eşçänleğeneñ töp törläre, qross-mädäni qommuniqaçiya, qonfliqtoloğiya ölqäsendä östämä belem häm qüneqmälär alaçaq, Volonterlar qodeqsın öyränep qabul itäçäq, treninğlar ütäçäq. 2011 elda Erzurumda uzaçaq Universiada qısalarında Tatarstan volonterları Rossiya cıelma qomandası attaşesı sıyfatında eşlär dip qötelä. Bu xaqta 2013 elğı Uennar direqçiyaseneñ matbuğat xezmäte xäbär itä.
Oxunma sayı: 350
