Ufa
Täüğe çara qiçä Ufada, Mäcit Ğafurinıñ yort-muzeenda oeştırıldı
Ufa, Tatar-inform, 21.01.2011 (Fänis Fätxullin) – Qüreneqle şağıyr Mäcit Ğafurinıñ ulı Änvär Ğafurinıñ tuuına 100 el tuldı. Şuşı uñaydan Başqortstanda qayber xäter çaraları başlandı. Täüğe çara qiçä Ufada, Mäcit Ğafurinıñ yort-muzeenda oeştırıldı. Anı “Mäcit Ğafuri-XXI ğasır” isemendäğe mädäni cämäğatçeleq fondı äzerläde. Xäter qiçäsenä yazuçılar, jurnalistlar, ğalimnär qilğän ide.
Änvär Ğafuri şaqtıy bilğele şäxes. Ätise qebeq üq, ul da ädäbi icat häm jurnalistiqa belän şöğıllänä. Muzıqa ölqäsendä dä ifrat ta ğıylemle bula, üze dä törle uen qorallarında uynıy, virtuoz aqqompaniator bularaq tanıla Ä. Ğafuri. Xalqıbıznıñ qüreneqle şäxesläre belän aralaşıp häm xezmättäşleq itep yaşi ul. Qazanğa barğanda Musa Cälil belän oçraşularında urtaq mädäni çaralar ütqärü xaqında qileşälär. Misal öçen, alar Musa Cälil belän “Eşçe” operasın yañaça eşqärtü turında söyläşep betä. Ämma uy-niyatläre tormışqa aşmıy qala, çönqi iqençe dönya suğışı başlanıp qitä. Änvär Ğafuri ätiseneñ ädäbi mirasın öyränüğä häm anı qiläçäq buınnarğa citqerüğä dä qüp qöç sala. Buldıqlı millättäşebez Ufada 1977 elda vafat bula. Äle Ufada anıñ ulı Xalit Ğafuri yaşi. Änvär Ğafuriğa bağışlap, ätise yort-muzeenda oeştırılğan isqä alu qiçäsendä, anıñ cırları, çığışları yañğıradı. “Mäcit Ğafuri-XXI ğasır” mädäni cämäğatçeleq fondı väqilläre isä Ä. Ğafuri xaqında istäleqlär belän urtaqlaştı. Ğailä arxivınnan äzerlänğän qürğäzmä poçmaq belän dä tanıştı bireğä qilüçelär.
Oxunma sayı: 327
