Bakı, Yalquzaq.com, 16.04.2012 - 14 aprel 2012-ci il tarixdä Atatürk Märkäzindä Azärbaycan Yazıçılar Birliyi Muğan Bölmäsinin sädri, şair Namiq Hacıheydärlinin yeni çapdan çıxmış “EY TÜRK DOĞULAN” şeirlär kitabının täqdimatı keçirildi.
Täqdimatı giriş sözü ilä şair Musa Äläkbärli açdı. O, Namiq Hacıheydärli yaradıcılığı haqqında geniş çıxış etdi vä sözü pedaqoji elmlär doktoru, professor Äjdär Ağayevä verdi.
Namiq Hacıheydärli yaradıcılığına yüksäk däyär verän professor Äjdär Ağayev, “Uzun müddätdir ki, biz Namiq Hacıheydärli ilä ämäkdaşlıq edirik. Däfälärlä onun şeirlärini vä mäqalälärini Tähsil Şurasının orqanı olan “Tähsil vä Zaman” qäzetindä çap etmişik. Namiqin şeirläri bizim üçün etalondur” – dedi.
Daha sonra ädäbiyyatşünas alim Tahir Şirvanlı, şairlärdän Oktay Rza, Telman Dämir, Älisämid Kür, Ayaz Arabaçı, Dayandur Sevgin, Maqsud Qobustanlı, Nazilä Gültac, Färqanä Mehdi, Häyat Şämi, Mänsurä Qaçayqızı, Yusif Dirili, Zakir Ağdamlı, Hacı Loğman Qorqud, Coşqun İbrahimli, Vahid Aslan, araşdırmaçı İşıqlı Atalı, “Yeni Avropa” qäzetinin baş redaktoru, şair-jurnalist Yusif Mähämmädoğlu, “Tähsil vä Zaman” qäzetinin baş redaktoru, araşdırmaçı jurnalist Böyükağa Mikayıllı, Fatmayı känd orta mäktäbinin direktoru Hacı Nuru müällim, FHN Akademiyasının ämäkdaşı Tahirä Ağasıyeva, aşıq Mäharät, aktyor Midhät Aydın vä digärläri çıxış edäräk Namiq Hacıheydärli yaradıcılığı haqqında üräk sözlärini dedilär vä “EY TÜRK DOĞULAN” şeirlär kitabının ädäbi-ictimai ähämiyyätindän söz açdılar.
Kitabın üz qabığı
Sonda söz Namiq Hacıheydärliyä verildi. O, zähmät çäkib tädbirä qatılan här käsä täşäkkürünü bildirdi vä son günlärdä yazdığı “İçindädir” rädifli şeirini qatılımçıların diqqätinä çatdırdı.
İçindädir
Bizdän känar dünyalar var,
Cahan cahan içindädir.
İç-içä sandıqlar kimi,
Mäkan mäkan içindädir.
Xäyal atı yüz il çapmış,
Sınır bulmuş, nä iz tapmış.
Zamanüstü zaman varmış;
Zaman zaman içindädir.
Ev bu hördüyümüz deyil,
Ömür, sürdüyümüz deyil.
İnsan, gördüyümüz deyil;
İnsan insan içindädir.
