Ravil Ğıylmulla ulı Şärifullin
Citäqçeleq dilbeğäse bertavıştan Ravil Ğıylmulla ulı Şärifullinğa tapşırıldı
İjau, Tatar-İnform, 09.04.2012 – Milli-mädäni moxtariyat räise itep Näzirä Salixcan qızı Qasimovanı uzğan cäy başında ğına saylağannar ide. Elğa yaqın uñışlı eşläp qilsä dä, ul citäqçeleqne qaldırırğa bulğan. Şuña da el yomğaqlarına bağışlanğan cıyelışta Milli-mädäni avtonomiyaseneñ yaña räisen saylau da uzdırırğa turı qilde. Moxtariyatneñ başqa şäһär, rayonnarda cirle büleqläre qüp tüğel, çığışlar ozaqqa barmadı. Tel, mädäniyatnı saqlau һäm üsterü, milli tradisiyalärne yañartu, qaytaru yunäleşendä tırışıp eşlilär, ämma eldan-elğa qüçep baruçı problemalar da citärleq. Mojğa şäһärennän Färidä Aniqina 21-nçe sanlı mäqtäptä siğez el dävamında tatar sıynıfları tuplap qilep, bıel äti-änilär arasında balaların aña birüçelär bulmağanlığı turında açınıp söyläde. Balezino rayonınıñ Qistem avılınnan qilğän İlmir Qasimov ereländerüneñ tisqäre yaqların sanap ütte – Äxmädi avılında başlanğıç mäqtäp yabılğan, anıñ binasın qlub itärğä niyatlilär, ämma mädäniyat xezmätqäre berämleğen birerlärme, yuqmı – bilğesez. “Şuña da, milli oyeşmalarnıñ aqtiv buluı qiräq һäm dini oyeşmalarnıñ da dönyavi problemalardan çitläşmäve möhim. Bez ber xalıq belän eşlibez һäm anı berniçeq tä bülerğä tieş tüğel,” – diep bilğeläp ütte İlmir Qasimov. Rayon häm avıl cirleqlärendä matdi qıyenlıqlar da qübräq — mäqtäplärdä tuğan tel däresläre öçen äsbaplar citmi, milli qostyumnar teğü mömqinçeleqläre yuq. Yaña räisqä bolarnıñ barısı turında da berençe utırışta uq işeterğä turı qilde. Udmurtiya tatarlarınıñ Milli-mädäni avtonomiyaseneñ citäqçeleq dilbeğäse bertavıştan Ravil Ğıylmulla ulı Şärifullinğa tapşırıldı. Xäer, ul moñarçı da milli eşlärden eraq torğan şäxes tüğel, eşmäqär bularaq, qüp qenä çaralarnı ütqärüdä matdi çığımnarnı qütärep qilde. Näzirä Qasimova da citäqçeleqne yaña qeşeğä tapşırdım diep, milli xäräqätten çitläşerğä cıyenmıy, yardäm itep torırğa väğdä itte.
Oxunma sayı: 265
