Soldan: Kuban Mambetaliyev, Azär Häsrät vä Tursunbek Akun
Bişkek, Yalquzaq.com, 05.05.2012 - Artıq on gündür ki, Orta Asiya säfärindä olan Orta Asiya vä Güney Qafqaz Söz Azadlığı Şäbäkäsinin sädri vä Beynälxalq Mätbuat İnstitutunun (Vyana) missiyasının üzvü Azär Häsrät Qazaxıstandakı görüşlärini tamamladıqdan sonra Qırğızıstana keçib. Aldığımız xäbärä görä elä ilk gündän o, bu ölkänin paytaxtı Bişkekdä çox önämli görüşlärä başlayıb.
Azär Häsrät ilk öncä ölkänin tanınmış ictimai-siyasi xadimlärindän vä elm adamlarından biri olan, Qırğızıstanın Londondakı keçmiş säfiri Kuban Mambetaliyevlä görüşüb. Täräflär arasında Qırğızıstan mediasının durumu, BMİ-nin bu ölkädä täşkilatlanması mäsäläläri müzakirä edilib. Kuban Mambetaliyev bu işlärdä älindän gälän dästäyi vermäyä här zaman hazır olduğunu deyib. Daha sonra Qırğızıstan vä Azärbaycan xalqları arasında münasibätlär, türk dünyasında demokratiya, insan vä mätbuat azadlığı mövzuları müzakirä edilib.
Elä hämin gün Azär Häsrät Kuban Mambetaliyevlä birlikdä Qırğızıstanın ombudsmanı Tursunbek Akunu ziyarät edäräk onunla fikir mübadiläsi aparıb. Qırğızların “akıykatçı” (häqiqätçi) adlandırdığı ombudsman Azärbaycandan yüksäk missiya ilä gälän qonağı qarşılamaqdan mämnunluğunu, gäräkli här cür dästäyi vermäyä hazır olduqlarını ifadä edib. Özünün Azärbaycan haqqında xoş täässüratlarını da bölüşän akıykatçı türk dünyası vä dünya türklärinin qarşılıqlı älaqäläri haqqında fikirlärini dä qonağın näzärinä çatdırıb. BMİ milli komitäsi mäsäläsinä gälincä isä o, deyib ki, belä bir nüfuzlu qurumun bu ölkädä fäaliyyätä başlaması Qırğızıstan mediası üçün çox faydalı olardı.
Qarşılıqlı anlaşma vä sämimi ab-havada keçän görüşün sonunda xatirä şäkli dä çäkilib.
Soldan: Kuban Mambetaliyev, Azär Häsrät vä Tursunbek Akun
