İşıqlı Atalı
İmzası Azärbaycan ictimai mühitinä yaxşı tanış olan däyärli aydınımız, filologiya elmläri doktoru, professor Elmäddin Älibäyzadä sözün gerçäk anlamında türklük aşiqidir. Türklüyün aşiqi olmaq İnsanlığın aşiqi olmaq demäkdir. Türklük aşiqi omaq türkä xas cähätlärin yaşadılması, ömürläşdirilmäsidir. Elmäddin Älibäyzadä onillärdir ki, bu yoldadır, bir an da olsun, «usandım» demir. Başına çox çätinliklär gälib, ancaq türklük sevgisindän äl çäkmäyib.
Türklüyümüz qädimliyimizin mahiyyätini özündä yaşadan, bugünü aşan, sabaha boy verän, onu yaradan ruhani-milli gücümüz, bänzärsizliyimizdir.
Elmäddin Älibäyzadä anadangälmä türklük sevdalısıdır, bu sevgisindä özünämäxsusdur. O, Türklük sevgisini hämişä uca tutub, Türkä böhtan, çamur atanlarla inadla döyüşüb: yenilmäyib, yenib. Ona görä ki, haqlı olub. İnanıb ki, doğruya zaval yoxdur.
Elmäddin Älibäyzadä
Türklük sevdasıyla yaşamaq häqiqätçi olmaqdır. Türk birsifätliyi, däyişmäzliyi gäräkdir dünyaya. İnam Ata (Asif Ata) türklüyün ruhani-mänävi-milli ölçüsünü yaradıb. İnam Ataya qädärki türklüklä bağlı hünärli çabaları qätiyyän danmırıq. Ancaq meydanda olanlar yetärli deyil. İnam Ata Türklüklä bağlı deyilänlärdän uca, bänzärsz bir yön yaratdı, Türklüyü yaşam tärzinä çevirdi, özünün dünyabaxışının mayasına qatdı. Türkün varlığı bäşär üçün danılmaz xilasdır. Türk xilasçılığını dünyaya umacaqsız olaraq gätirir, kimsäyä minnät yeri qoymur. İnam Ata Mütläqä İnam Dünyabaxışında insaniliyin bütün gözäl cähätlärini täqdim edir, onları özünün türklüyündän yaradır.
Mänim Elmäddin Älibäyzadäyä uca münasibätim onun İnam Ataya olan böyük sayğısı, sevgisi ilä bağlıdır. O, Atanı idealı sayır, bununla öyünür. Ata ilä fäxr etmäk Türkün, habelä bäşärin sabahına sarsılmaz inam demäkdir. Elmäddin Älibäyzadä Atanın şäxsindä İnsanlığın sabahını görä bilir. Bu, onun ruhaniyyata uca münasibätindändir.
Elmädin Älibäyzadä zängin irs yaradıb. Onun irsi sabah daha diqqätlä öyräniläcäk. Bu äsasda kitablar yazılacaq. O, dünyada Türklüyä basqıların artdığı bir vaxtda Türklükdän elmi äsärlär, kitablar yazdı. Täässüf ki, türk böyük tarix yaratdığı halda demäk olar, tarix kitabları yazmayıb, olanları da türkü sevmäyänlär yox ediblär. Bu anlamda Elmäddin Älibäyzadänin qädimliyimizlä bağlı araşdırmalarının necä çätinliklä başa gälmäsini yaxşı anlayıram: ruhunun gücüylä tarixin qaranlıq, därin qatlarından, habelä çox az çağdaşının yazdıqlarından faktlar toplayasan, fähminlä onları äsaslandırıb kitablar ortaya qoyasan vä qınaqlara tuş gäläsän! Ancaq Elmäddin müällim qätiyyän belä şeylärdän sarsılmayıb, çätinliklärdän güc alıb, milli kimliyimizlä, bu yerlärä guya gälmä olmağımızla bağlı hädyanlar uyduranlara qarşı inadla döyüşüb.
Onun äsärlärinin ruhu milli olduğu kimi, dili dä aydındır. Çünki özümlüyä äsaslanır, xalq ruhundan güc alır. Elmäddin Älibäyzadänin milli ruha vurğunluğu başqaları üçün örnäkdir, häm dä bäşäriliyinin uca täsdiqidir. O, Xeyirin qäläbäsinä inanır. İnanır ki, Şär nä qädär güclü görünsä dä, sonludur, çünki tämälsizdir. Türk ruhunun äzäli qaydasına uyğun olaraq xeyirçiliyindä ardıcıldır. Türk xeyirçiliyi etdiyi işä görä mükafat ummamaqdır.
Yaşının bu çağında Türklük yolunda dayanmadan işlämäsi onun türklük aşiqi olmasının sübutudur. Özälliklä son 7 ildä bir-birinin ardınca çap etdirdiyi «Avesta Azärbaycan xalqının mänävi mädäniyyät tarixidir», «Azärbaycan dilinin tarixi» (I, II cildlär), «Azärbaycanşünaslığa giriş» kitabları onun alim sanbalını täsdiq edir.
İnam Ata hämişä Elmäddin Älibäyzadänin türkçülüklä bağlı araşdırmalarına yüksäk däyär verib. Zärdüştlüklä bağlı araşdırması haqqında Atanın bir fikrini burada täqdim etmäk yetär ki, täsävvürümüz tam olsun: «Kitabda «Avesta» Şumer-Türk ruhunun dahiyanä ifadäsi kimi mänalandırılıb vä bu, äsl häqiqätdir… Kitab häqiqätçilik ämälidir – yalana qarşı duran».
Vaxtilä İnam Atanın professor Elmäddin Älibäyzadäyä yazdığı älyazmaları onun uzun illärdän sonra Mütläqä İnam Ocağına täqdim etmäsi ulusal läyaqätin täsdiqidir. Bu yazılar Elmäddin Älibäyzadänin ulusal kimliyimizlä bağlı axtarışları haqqında Atanın inamlı, sabahlı düşüncäläridir.
34 ildir ki, Türk Ulusumuzun Mütläqä İnam Ocağı var. 87 yaşlı Elmäddin Älibäyzadänin ulusal ünvanlı äsärläri bu İnamın işığında bir daha täsdiqini tapır, sabaha qovuşur, yaradıcısına tükänmäz sevginin ünvanı olur. Yurd, ulus yolunda döyüşünüz kutlu olsun, Elmäddin müällim! İnam Ataya, Ocağa bağlılığınız türk aydınlığının än uca örnäyidir.
Oxunma sayı: 344
