Yenä dä “atan kazaklardır”… (Şäkillär)

Azär Häsrät

Azär Häsrät, azer@azerhasret.com

Bu cür bir mövzuya ötän il dä toxunmuşduq. Müxtälif media qurumlarında yayımlanan “Boks vä BBC-nin insan haqları därdi” adlı yazımızda Böyük Britaniyanın bu media qurumunun Azärbaycana qarşı qäräzli vä äsassız münasibätindän söz etmişdik. Häm dä onu qeyd etmişdik ki, bu qurum näyä göräsä davamlı olaraq elä bil ölkämizi qaralamaqla mäşğuldur. Hämin yazının yazılmasına säbäb isä BBC-nin Azärbaycana açıq şäkildä böhtan atması olmuşdu. Bu qurum iddia edirdi ki, Azärbaycan räsmiläri iki qızıl medal qazanmaq üçün dünya boks räsmilärinä 10 milyon dollar rüşvät veribmiş. Bu mäsälä häm Azärbaycan, häm dä xarici mätbuatda müzakirälärä säbäb oldu vä täbii olaraq araşdırma täläbi ortaya çıxdı. Vä sonuc da bu oldu ki, BBC efirä verdiyi xäbärdäki iddiaları täsdiq edän faktları ortaya qoya bilmädi vä demäli, än azından yalan mälumat yaydığını bununla göstärmiş oldu.

Hämin zamanda BBC-nin yalan mälumatını baş yazıya çevirän Azärbaycan qäzetläri, sosial şäbäkälärdä yaxasını cıran demokratiya vä insan haqları “täässübkeşläri” isä bundan sonra üzrxahlıq edäcäklärinä susmağa üstünlük verdilär. Düzdür, bäziläri bir az da qabağa gedäräk Azärbaycan räsmilärinin BBC-ni dä rüşvätlä satın aldığını iddia etmäk istädi. Ancaq olan olmuş, äsassız bir xäbär elä BBC-nin özünün faktları ortaya qoya bilmämäsi üzündän havaya uçmuşdu.

İndi dä İnternet saytlarında bir video dolaşmaqdadır. Bu däfä dä ortalığı “toz-dumana bürüyän” eyni BBC-dir. Düzdür, indi BBC xäbäri öz adından deyil, “SkyNews” adından yayımlayıb. Ancaq, necä deyärlär, yenä dä “atan kazaklardır”…

Videoya bir neçä däfä baxdıq. Cämi 1 däqiqä 56 saniyä müddäti olan xäbärdä iddia edilir ki, “Azärbaycan räsmiläri Londonda olimpiyada oyunlarına bilet satır”. Bunu müxbirin söhbät elädiyi vä Azärbaycana heç bir däxli olmayan bir tählükäsizlik görävlisi deyir. Ümumilikdä isä çiyinlärinä Azärbaycan bayrağı salmış bir gänc (äslindä daha çox uşağa bänzäyir) heç bir dälil-sübut olmadan Azärbaycan Milli Olimpiya Komitäsinin (AMOK) işçisi kimi täqdim edilir. Nä adı, nä üzü, nä bir sänädi nümayiş etdirilmädän bu şäxsin küçädä bilet satan AMOK räsmisi olduğunu iddia etmäk, älbättä ki, ciddi bir jurnalistika mähsulu sayıla bilmäz. Ümumiyyätlä isä, bu qısa videoda diqqätimizi çäkän mäqamlar insanı şaşırdacaq dürdändir…

Elä ilk saniyälärdä köynäyinin üzärindä Monqolustan bayrağının şäkli olan birisi London olimpiyadasının logosunu daşıyan köynäkli birisindän pulu alır. Hämin monqol bayraqlı şäxsin älindä bilet dä görünür. Düzdür, sonra o, pulu başqa birisinä ötürür, ancaq işin maraqlı täräfi odur ki, pul götürän şäxsin kimliyi haqqında bilgi verilmir.

Ağ köynäkli monqol bayraqlı şäxs

Monqol bayraqlı şäxsin sol älindä bilet var. Sağ ällä isä pulu alır.

Daha sonra ekranda bir gänc görünür. Çiyinlärindä Azärbaycan bayrağı olan bu gänc (yuxarıda da qeyd etdiyimiz kimi, daha çox uşağa bänzäyir) Azärbaycan Milli Olimpiya Komitäsinin tämsilçisi kimi täqdim edilir vä küçädä bilet satdığı deyilir. Müxbir qeyd edir ki, bu gänc ingiliscä bilmädiyi üçün ekranda solda görünän şäxs ona tärcümädä yardım edir. Çox maraqlı bur nüans da burda ortaya çıxır. Tärcümä edän şäxsin üzärindäki geyimdä sol täräfdä “Security” (Güvänlik) yazısı, sağ täräfdä isä açıq şäkildä Gürcüstan bayrağı görünür. Vä Azärbaycanlıların bilet satdığını da bu adam iddia edir. Özü dä geniş şäkildä müxbirä izah edir ki, Azärbaycan Nazirliyi (bu ifadäni işlädärkän onun qeyri-ciddi bir şäkildä gülmäsi dä diqqätdän yayınmır) bu biletläri paylayıb ki, öz komandalarına dästäk olsunlar. Bunlar da biletläri satıb pul qazanırlar. “Tärcümäçi” deyir ki, harada Azärbaycan bayraqlı şäxs görsäniz, ona yanaşıb rahat şäkildä bilet ala bilärsiniz.
Vä sonda müxbir qeyd edir ki, artıq 29 näfär qanunsuz bilet satışı ilä bağlı polis täräfindän saxlanılıb. Vä yenä dä maraqlıdır ki, hämin 29 näfärlä bağlı nä polisin fikri säsländirilmir, nä dä jurnalistin özü onların kim olması haqqında bir söz demir. Jurnalist onu da qeyd etmäyi unutmur ki, “Azärbaycanlıların küçädä bilet satması ilä bağlı AMOK räsmiläri ilä älaqä saxlamaq” mümkün olmayıb. Küçänin ortasında bilet satan Azärbaycanlıları tapa bilän müxbir näsä yeri, yurdu, telefon nömräläri, qaldıqları qonaq evi bälli olan AMOK räsmilärini tapmaqda “çätinlik” çäkir.

Çiyinlärindä Azärbaycan bayrağı daşıyan vä bilet satan AMOK “işçisi”

Bu isä “könüllü tärcümäçi”dir. Pencäyindäki Gürcüstan bayrağına diqqät edin. İddia edir ki, “Azärbaycan Nazirliyi bu biletləri paylayıb vä onlar da satırlar”.

Anlaşılan, senari eynidir. Yenä dä kimläräsä Azärbaycanı gözdän salmaq lazım olub. Bu, mäsälänin bir täräfidir. Necä deyärlär, “su uyuyar, düşmän uyumaz”. Azärbaycanın istänilän addımı bädxahlarımızı häräkätä gätirir vä bu cür hallar yäqin ki, yenä dä olacaq.

Yalnız anlamadığımız bir şey dä var. Azärbaycan mediasının bäzi käsimläri bu videonun ağına-bozuna baxmadan, heç bir tählil aparmadan ingilis mediasının iddialarını täkrarlamağa häväs göstärir. Niyä, nä üçün? İndi deyäcäklär ki, biz yalnız xäbäri veririk. Axı xäbäri verändä dä onun nä qädär äsaslı olub-olmadığını araşdırmaq gäräk deyilmi? Bäs hanı jurnalist täräfsizliyi, obyektivliyi, qäräzsizliyi? Bir ingilisin uydurduğu xäbäri baş yazıya çevirib öz ölkäsinä qara yaxmaq üçün däridän-qabıqdan çıxanlar heç olmasa bir anlığa özlärinin dä bu millätdän olduqlarını düşünürlärmi heç? BBC-nin yuxarıda da qeyd etdiyimiz boksla bağlı qalmaqalının äsassızlığının sonradan täsdiq edilmäsi dä därs almaq üçün yetärli olmadımı? Bälkä bir xäbäri täkrar yayarkän bir qädär dä millät vä dövlät täässübü çäkäk, hä? Axı bu dövlät iqtidarlı-müxalifätli hamımızındır. Biriläri hardasa bizi aşağılayan bir xäbär yayırsa, olmazmı ki, hämin xäbärin nä üçün yayıldığının da färqinä varaq? Olar vä lazımdır.