Xitay xewerler torining 11-ayinng 6-kündiki xewirige qarighanda, Beijing sheherlik saqchi idarisi alahide charlash saqchi qismidiki “Xinjiang”gha yerdem bergen, 14 neper saqchining kolliktip toy murasimi 6-noyabir Beijing sheherlik saqchi idarsi bash etritining basketbol meydanida daghdughluq ötküzülgenmish, toy murasimida Xitaylar Xitay dölet marshini éytip, cheksiz xoshalliq tuyghusigha chömülgen.

Sherqiy Türkistanda Ürümchi 5-iyul qanliq qirghinchiliqini peyda qilip Uyghur xelqining qénini derya qilip aqquzup, Uyghur yashlarni öltürgen, minglighan on minglighan Uyghurlarning haytini nabut qilip we ularni qarangghu turmilerde qattiq qiyin – qistaqlargha élip, yüz minglap ailerning xaniweyran bop kétishige sewepchi bolghan atalmish Ürümchi 5- iyul weqesini basturushqa yardem bergen Xitay jallatllirining toy murasi ötküzüshi we toy murasimida Uyghur xelqige seksiz zulumlarni sélip Uyghur xelqini yersharidin yoqutuwétish koyida yürgen we buningha jiddiy tutush qilwatqan Xitay kommunist hakimiyitining dölet naxshisini éytishi emeliyette pütün Uyghur xelqi üchün zor bir haqaret. Uyghur xelqi nöwette bu bir yil ichide yüz bergen zor qanliq weqelerde ölgen qérindashliri üchün chongqur musibette turmaqta. Héchqandaq bir Uyghur xoshal emes. Chünki ular qan qérindashliridin ayrilghan, yürekliri pare – pare bop ketken. Mushundaq bir sharaitta Uyghur xelqini mushundaq bir azapliq ehwalgha chüshürüp qoyghan Xitay jallatlirining kolliktip toy qilishi emeliyette Uyghur xelqini milliy jehettin kemsitkenlik. Uyghur xelqi bundaq shermendikichilikni hergiz qobul qilalmaydu.Uyghur xelqining qatilliri haman bir küni tégishlik jazasini tartidu.

Qaynaq: ETIC